Фото мэдээлэл
АРХАНГАЙ АЙМАГ АГААРЫН ЧАНАРЫГ ХЯНАХ АВТОМАТ СТАНЦТАЙ БОЛЛОО
Монгол улс, БНСУ-ын Байгаль орчны яамдын хамтын ажиллагааны хүрээнд буцалтгүй тусламжаар 21 аймгийн Ус цаг уур, орчны шинжилгээний төвүүдийг агаарын чанарын автомат станцтай болгох ажил эхэлж, анхны автомат станцыг манай аймагт суурилууллаа.
Тус автомат станц нь хүхэрлэг хий, азотын ислүүд, байгаль орчны суурь үзүүлэлтүүд, нарийн тоосыг 24 цаг, 365 хоног тасралтгүй хэмжидгээрээ онцлог юм. Өнгөрсөн хугацаанд 8:00, 12:00, 20:00 цагуудад механикаар аймгийн төвийн агаарын чанарыг хэмждэг байсан бол өнөөдрөөс эхлэн минут тутамд тооцоолох боломжтой боллоо. Агаарын чанарыг хэмждэг автомат станцыг хүлээлгэн өгөх үйл ажиллагаанд Байгаль орчин, уур амьсгалын өөрчлөлтийн яам сайд С.Одонтуяа, Цаг уур, орчны шинжилгээний газар дарга Э.Баттулга, Архангай аймгийн Засаг дарга Б.Цэрэннадмид болон аймгийн Байгаль орчны салбарын удирдлага, мэргэжилтнүүд оролцлоо.